సాక్షి డిజిటల్ న్యూస్ కామారెడ్డి జిల్లా ప్రతినిధి మహమ్మద్ నయీమ్ జనవరి 28, అభివృద్ధికి మారుపేరుగా నిలిచిన రాష్ట్ర ప్రభుత్వ సలహాదారు మహమ్మద్ అలీ షబ్బీర్ పై కామారెడ్డి పట్టణ ప్రజలు, కాంగ్రెస్ శ్రేణులు తమకున్న అభిమానాన్ని చాటుకున్నారు. పట్టణంలోని 22వ మరియు 25వ వార్డులకు చెందిన కాంగ్రెస్ నాయకులు, కార్యకర్తలు మరియు స్థానిక ప్రజలు భారీ ఎత్తున తరలివచ్చి షబ్బీర్ అలీ చిత్రపటానికి పాలాభిషేకం చేశారు. ఈ సందర్భంగా నాయకులు మాట్లాడుతూ, అభివృద్ధి బాటలో కామారెడ్డి నియోజకవర్గ రూపురేఖలు మారాలన్నా, మౌలిక సదుపాయాలు మెరుగుపడాలన్నా అది కేవలం ముఖ్యమంత్రి రేవంత్ రెడ్డి నాయకత్వంలో మరియు షబ్బీర్ అలీ పర్యవేక్షణలోనే సాధ్యమవుతుందని ధీమా వ్యక్తం చేశారు. గత పదేళ్లలో జరగని అభివృద్ధి ప్రస్తుతం కాంగ్రెస్ హయాంలో పట్టాలెక్కుతోందని వారు కొనియాడారు. రాబోయే మున్సిపల్ ఎన్నికలను ప్రతిష్టాత్మకంగా తీసుకున్న కార్యకర్తలు, షబ్బీర్ అలీ నిలబెట్టిన అభ్యర్థులను భారీ మెజారిటీతో గెలిపిస్తామని ప్రతిజ్ఞ చేశారు. 22, 25 వార్డులతో పాటు పట్టణంలోని అన్ని వార్డులను ఆదర్శంగా తీర్చిదిద్దు తామని హామీ ఇచ్చారు. కామారెడ్డి మున్సిపాలిటీపై కాంగ్రెస్ జెండా ఎగురవేసి, ఆ విజయాన్ని షబ్బీర్ అలీ కి కానుకగా ఇస్తామని కార్యకర్తలు నినదించారు. ”కామారెడ్డిని అభివృద్ధి పథంలో నిలపడం షబ్బీర్ అలీ కే సాధ్యం. రేవంత్ రెడ్డి పాలనలో నిధుల వరద పారుతోంది. ఈసారి మున్సిపాలిటీ మనదే!” అని స్థానిక నాయకులు ఉద్ఘాటించారు. ఈ కార్యక్రమంలో గురుకుల శ్రీనివాస్, సిద్ధిఖ్, భాను ప్రసాద్, యూనిస్,
భారీ సంఖ్యలో కాంగ్రెస్ పార్టీ ముఖ్య నాయకులు, వార్డు ఇన్చార్జులు మరియు మహిళా కార్యకర్తలు పాల్గొన్నారు…
