ఆదర్శ పాఠశాల విద్యార్థులకు వాటర్ బాటిళ్ల పంపిణీ: దాతలకు ఘనంగా కృతజ్ఞతలు

పయనించే సూర్యడు మార్చి 13 సూర్యాపేట జిల్లా నడిగూడెం ప్రతినిధి పొలంపల్లి వెంకటేశ్వర్లు ;
నడి గూడెం మండలం కరివిరాల గ్రామంలోని తెలంగాణ ఆదర్శ పాఠశాల మరియు జూనియర్ కళాశాలలో పదో తరగతి విద్యార్థులకు అండగా నిలిచేందుకు దాతలు ముందుకు రావడం అభినందనీయమని పాఠశాల వర్గాలు కొనియాడాయి. రాబోయే పదో తరగతి వార్షిక పరీక్షలను పురస్కరించుకుని, ఎండ తీవ్రత దృష్ట్యా విద్యార్థుల సౌకర్యార్థం ఎం.ఎస్.ఎఫ్ సూర్యాపేట జిల్లా కన్వీనర్ శ్రీ పందిరి నవీన్ కుమార్ తమ స్వంత ఖర్చుతో విద్యార్థులందరికీ వాటర్ బాటిళ్లను పంపిణీ చేశారు. ​ఈ సేవా కార్యక్రమానికి మాజీ జెడ్పీటీసీ శ్రీమతి బాణాల కవిత నాగరాజు తమ పూర్తి సహకారాన్ని అందించి విద్యార్థులను ప్రోత్సహించారు. ఈ సందర్భంగా పాఠశాల ఆవరణలో ఏర్పాటు చేసిన కార్యక్రమంలో దాతలను ఉపాధ్యాయ బృందం ఘనంగాసన్మానించింది. ​ప్రిన్సిపాల్ సాయిశ్వరి కృతజ్ఞతలు: పాఠశాల ప్రిన్సిపాల్ సాయిశ్వరి మాట్లాడుతూ.. విద్యార్థుల అవసరాలను గుర్తించి, వారిపై మమకారంతో వాటర్ బాటిళ్లను అందజేసిన పందిరి నవీన్ కుమార్ కి, వారికి వెన్నంటి ఉండి సహకరించిన బాణాల కవిత నాగరాజు కి ప్రత్యేక ధన్యవాదాలు తెలియజేశారు. పరీక్షల సమయంలో విద్యార్థులు ఆరోగ్యంగా ఉండాలని, ఇలాంటి సామాజిక సేవా కార్యక్రమాలు మరెంతో మందికి స్ఫూర్తినిస్తాయని ఆమె పేర్కొన్నారు. ​పాల్గొన్న వారు:ఈ కార్యక్రమంలో పాఠశాల ఉపాధ్యాయ బృందం, సిబ్బంది మరియు విద్యార్థులు పాల్గొని దాతలకు హృదయపూర్వక కృతజ్ఞతలు తెలియజేశారు. దాతల సహకారం విద్యార్థుల చదువుపై సానుకూల ప్రభావం చూపుతుందని ఈ సందర్భంగా పలువురు అభిప్రాయపడ్డారు.