సాక్షి డిజిటల్ న్యూస్ జనవరి (25) కామారెడ్డి జిల్లా ప్రతినిధి మహమ్మద్ నయీమ్… యువత చదువుతో పాటు క్రీడల్లోనూ ఉత్సాహంగా పాల్గొని తమ ఆరోగ్యాన్ని కాపాడుకోవాలని తెలంగాణ ప్రభుత్వ సలహాదారు మహమ్మద్ అలీ షబ్బీర్ పిలుపునిచ్చారు. శనివారం కామారెడ్డిలోని బ్యాడ్మింటన్ అకాడమీని ఆయన సందర్శించారు. ఈ సందర్భంగా అకాడమీలోని సౌకర్యాలను పరిశీలించి, క్రీడాకారులతో ముచ్చటించారు. ఈ సందర్భంగా షబ్బీర్ అలీ మాట్లాడుతూ ఆరోగ్యమే మహాభాగ్యం శారీరక శ్రమ అవసరం ప్రస్తుత ఉరుకుల పరుగుల జీవితంలో ప్రతి ఒక్కరూ తమ ఆరోగ్యంపై దృష్టి సారించాలని కోరారు. సమయం దొరికినప్పుడల్లా క్రీడల్లో పాల్గొనడం వల్ల శారీరక దృఢత్వంతో పాటు మానసిక ఉల్లాసం కలుగుతుందని పేర్కొన్నారు. దైనందిన జీవితంలో వ్యాయామం కేవలం క్రీడలే కాకుండా, ప్రతిరోజూ వ్యాయామం, వాకింగ్, మరియు జాగింగ్ వంటివి అలవాటు చేసుకోవాలని సూచించారు. ఇవి మనల్ని అనారోగ్యాల బారి నుండి రక్షించి, ఆరోగ్యంగా ఉంచుతాయని ఆయన వివరించారు. యువత చెడు వ్యసనాలకు దూరంగా ఉండి, క్రీడలను కెరీర్గా లేదా అభిరుచిగా ఎంచుకోవాలని, తద్వారా క్రమశిక్షణ అలవడుతుందని తెలిపారు. క్రీడలకు ప్రభుత్వ ప్రోత్సాహం రాష్ట్ర ప్రభుత్వం క్రీడలకు మరియు క్రీడాకారులకు ఎల్లప్పుడూ అండగా ఉంటుందని, గ్రామీణ స్థాయిలోని ప్రతిభను వెలికితీసేందుకు కృషి చేస్తామని ఈ సందర్భంగా ఆయన హామీ ఇచ్చారు. అకాడమీలోని క్రీడాకారుల ఉత్సాహాన్ని చూసి ఆయన సంతోషం వ్యక్తం చేస్తూ, భవిష్యత్తులో వారు మరిన్ని విజయాలు సాధించాలని ఆకాంక్షించారు. ఈ కార్యక్రమంలో అకాడమీ నిర్వాహకులు, స్థానిక నాయకులు మరియు క్రీడాకారులు పాల్గొన్నారు…
